REPUBLIC ACT NO. 7425 - ISANG BATAS NA BUMABAGO SA PAMBAYANG PAGAMUTAN SA BAYAN NG ALIAGA, LALAWIGAN NG NWEBA ESIHA, NA MAGING ISANG PANGKALUSUGANG TANGGAPAN NA MAY LIMANG KAMA, NA TATAWAGING PANGKALUSUGANG TANGGAPAN NG ALIAGA, AT NAGLALAAN NG PONDO PARA DITO

SEKSYON 1.    Ang pambayang pagamutan sa Bayan ng Aliaga, Lalawigan ng Nweba Esiha, ay binabago sa pamamagitan ng Batas na ito na maging isang pangkalusugang tanggapan na may limang kama, na tatawaging Pangkalusugang Tanggapan ng Aliaga.  

SEKSYON 2.    Ang halagang kakailanganin upang ipatupad ang mga probisyon ng Batas na ito ay isasama sa Batas ng Pangkalahatang Gugulin sa susunod na taon matapos pagtibayin ang Batas na ito at sa iba pang sumusunod na taon pagkaraan nito.

SEKSYON 3.    Ang Batas na ito ay magkakabisa sa sandaling pagtibayin.

Pinagtibay: April 14, 1992